Novas
FEESL
O Concello instalará colectores subterráneos de recollida selectiva nos Tilos en en Augas Mansas
03/06/2010Esta actuación medioambiental ten un custo de 178.947€ e está financiada na súa totalidade con cargo ao Fondo Estatal para o Emprego e a Sustentabilidade Local -FEESL 2010-. Precisamente un dos parámetros que se usaban este ano para decidir as obras que se podían incluír no Fondo estatal era o carácter medioambiental da medida.
O contrato foi adxudicado o pasado 20 de maio á empresa Formato Verde e o concelleiro de obras, Rafael Sisto, agarda que as obras se realicen con premura aínda que o prazo de execución é de sesenta días naturais. Nos Tilos as dúas illas colocaranse na rúa Castiñeiro e o espazo no que se instalarán xa quedou listo na obra de reurbanización desa rúa. En Augas Mansas a empresa terá que encargarse ademais do suministro e da instalación tamén de abrir o foso.
Cada unha das illas terá seis bocas. Tres dos espazos serán para o lixo orgánico, mentres que as outra tres serán para a recollida selectiva: papel, vidro e envases. O Concello de Teo xa conta cun colector subterráneo deste tipo na zona de Cacheiras .
+ Novas
- Comeza o Diverteo setembro nos Tilos, en Calo e na Ramallosa con case cen nenos/as matriculados/as
- O Concello abre o prazo para anotarse na XIII edición da liga de fútbol sala municipal
- O Concello abre o 1 de setembro a preinscripción nas escolas deportivas e os obradoiros culturais
- Regresan os participantes no Campamento Xuvenil
- O Cacheiras A proclamouse campión do III Trofeo de Fútbol de Modestos Concello de Teo