Novas
SESIÓN ORDINARIA
O grupo de goberno leva a pleno de novo as facturas dos bonobuses sociais pendentes de pago dende o ano pasado
25/08/2009A corporación teense reúnese mañá mércores 26 de agosto para celebrar a sesión ordinaria do pleno deste mes. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas. A sesión realízase no Centro Sociocultural da Ramallosa, sede provisional da Casa do Concello.
O grupo de goberno volve a levar a pleno o recoñecemento extraxudicial de crédito das facturas do servizo de bonobús social do Concello. Trátase dun grupo de facturas por importe de 24.482 euros que están pendentes de pago dende o ano pasado.
Segundo explica o alcalde “estas facturas xa foron a pleno en dúas ocasións máis e atopámonos nunha situación de bloqueo na que non podemos pagarlle ás empresas polo traballo realizado”.
Nos plenos nos que se levaron estas facturas, xunto con outro montante, que foi desbloqueado, “o Grupo Socialista establecía uns requisitos para apoiar este punto que sabe que neste momento é imposible de cumplir” matiza Noriega.
Os bonobuses sociais foron aprobados no ano 2000 en pleno polos grupos da corporación teense a proposta de Manuel Parajó. O grupo de goberno entende “que a problemática económica deste tema ten que solucionarse pola vía do novo convenio do transporte comarcal que contempla tarxetas con perfís sociais e un sistema de copago entre a Xunta e os Concellos”. Sen embargo “a día de hoxe o panorama que nos trasladan dende a Dirección Xeral de Transportes é que ata o 2010 non imos ter ese novo documento” explica o alcalde teense.
Ademais dese punto a corporación poderase pronunciar sobre un expediente de recuperación dun camiño público en Oza e unha moción sobre a necesidade de impulsar medidas municipais en materia de control de consumo e no emprego de enerxías renovables
A orde do día ten os seguintes puntos:
- Aprobación das actas das sesións plenarias do 24.06.2009 e 29.07.2009.
- Dar conta das resolucións da alcaldía (da 499/09 á 555/09).
- Ditame da moción do grupo de goberno para unha resolución sobre o teito do petróleo no Concello de Teo e a necesidade de adoptar medidas municipais en materia de control de consumo e impulso no emprego de enerxías renovables.
- Ditame da proposta da alcaldía de desestimación de recurso de reposición correspondente ao expediente de recuperación de camiño público en Castres-Oza.
- Ditame da proposta da alcaldía de recoñecemento extraxudicial de créditos 4/09.
- Mocións.
- Rogos e preguntas.
+ Novas
- O Concello abre un novo prazo de inscrición para o campamento xuvenil
- O pleno da corporación teense elixirá o novo xuíz de paz do Concello
- Licítanse obras de saneamento e abastecemento en núcleos de Luou e Rarís por máis de 350.000 euros
- A música de autor continúa nos Tilos este venres ás 23.00 horas
- O PXOM de Teo entra en vigor coa súa publicación no Boletín Oficial da Provincia